Source: Gara

Citation:

ATENTATUA ETAren azken atentatua gaitzetsi du Elgoibarko Udaleko bozeramaileen batzordeak PSE-EEren egoitzaren kontrako lehergailuaren ondorioz kalteak jasan dituzten 25 etxebizitzetako bizilagunekin banan bana jarriko da harremanetan Udala, kalteordainak bideratzeko. Bi elkarretaratze antolatu ditu: bat eguerdian eta bestea arratsaldeko zazpietan. ETAk atzo goizaldean PSE-EEren egoitzaren kontra egindako atentatua aho batez gaitzetsi du gaur Elgoibarko Udaleko bozeramaileen batzordeak; alderdi guztietako ordezkariek egin dute bat mozioarekin. EAE-ANVk ez du ordezkaritzarik Elgoibarko Udalean, Espainiako auzitegiek galarazi egin ziotelako aurkeztea. Atentatua gaitzesteaz gain, elkartasuna adierazi die Elgoibarko Udalak kaltetuei: lehergailuaren ondorioz etxeetan eta ibilgailuetan kalteak jasan dituzten herritarrei, eta ETAk jomugan hartu dituen PSE-EEko kideei. Gainera, "herriaren eskubideen defentsan" engaiatu da Elgoibarko Udala: "Uste dugu ETAri erantzuteko modurik onena dela herriaren eskubideak defenditzea; hots, bakean, bonbarik eta tirorik gabe, bizi nahi duen herriarenak", agertu du Alfredo Etxeberria Elgoibarko alkateak (EAJ). Ezker abertzaleari eskaera zehatza egin diote: ETAren jokabidea gaitzesteko eta bide hori ez dela zilegi adierazteko. Udalak bi elkarretaratze antolatu ditu, bat eguerdian eta bestea arratsaldeko zazpietan. Elgoibarko PSE-EEren egoitzan lehergailua zartarazi zuen ETAk atzo goizaldean. Inor ez zen zauritu, baina kalte material handiak eragin ditu egoitzan eta inguruko auto eta etxeetan. Etxeetan kalteak jasan dituzten 25 bizilagunekin banan bana jarriko da harremanetan Udala, kalteordainak-eta bideratzeko.

Source: Berria

_________________

<embed src='http://www.eitb24.com/resources/flash/video_player/eitbPlayer_v3.swf' quality='high' bgcolor='#ffffff' name='playerEitb' type='application/x-shockwave-flash' pluginspace='http://www.macromedia.com/go/getflashplayer' flashvars='baseURL=www.eitb24.com&contentFile=/archivos/portales/eitb24/xml/videos_flash_datos_eu.xml&videoId=2008042013473717&autoPlay=0&bufferLength=5&idioma=eu' align='middle' height='492' width='652' menu='false' allowFullScreen='true' scriptAccess='always'></embed>

Source: EITB