Ezker abertzalearen elkarretaratzeak Bilbon eta Gasteizen

**Gazteria**

"Euskal Herria ez dago salgai! Iruzurrik ez!"

Citation:

EAE-ANV-REN AURKAKO MOZIOAK
Ezker abertzalearen elkarretaratzeak Bilbon eta Gasteizen

"Euskal Herria ez dago salgai! Iruzurrik ez!" lelopean, elkarretaratzeak deitu ditu gaur ezker abertzaleak Bilbon eta Gasteizen, EAJren egoitzen aurrean, EAE-ANVren aurka aurkeztu nahi dituzten mozioak direla-eta alderdi horren jarrera salatzeko. Bilbon eguerdian egin dute eta Gasteizen 19.30ean izango da.

DONOSTIA-. "Euskal Herria ez dago salgai! Iruzurrik ez!" lelopean, ezker abertzaleak Sabin Etxearen aurrean elkarretaratzea egin du eguerdian, atzo Donostian egin bezala.

Arantza Urkaregi hautetsi independentistak salatu du EAJ "traizioa" prestatzen ari dela "herri honen aurka iruzur estatutario berri baten bidez", eta ohartarazi dio gizartearen gehiengoak ez duela utziko EAJk "berriro ere Euskal Herria sal dezan, duela 30 urte egin zuen bezala".

Bere esanetan, EAJk PSOEren "besoetara bota nahi du hirukoaren krisi agerikotik salbatzeko". Gogora ekarri du, ildo horretan, Urkulluk berak Aberri Egunean esan zuena, hau da, "inork ez duela galeraziko EAJk PSOErekin akordioa sina dezan, ona dela baderitzo".

Hala ere, Urkaregi ziur azaldu da gizartearen gehiengoak ez duela onartuko "beste iruzur politiko bat" eta "aurre egingo diola EAJren operazio politiko honi".

Gasteizen, 19.30ean
EAJren jarrera salatzeko elkarretaratzea arratsaldean egingo du ezker abertzaleak Gasteizen, Araba Buru Batzarraren egoitzaren atarian, 19.30ean.

Source: Berria

Sous le slogan: "Euskal Herria ez dago salgai! Iruzurrik ez!" (Le Pays Basque n'est pas à vendre! Pas d'escroqueries!), la gauche abertzale à appelé à se rassembler aujourd'hui à Bilbo et Gasteiz devant le siège du PNV pour dénoncer le comportement du PNV alors qu'il s'apprête à présenter les motions contre EAE-ANV. Le rassemblement a eu lieu à midi à Bilbo et sera à 19h30 à Gasteiz. Hier le rassemblement avait eu lieu à Donostia.
Rassemblement: A Gasteiz, aujourd'hui jeudi 17 avril à 19h30 devant le siège du PNV

_________________