Bientôt procès de Santi e Jose

**Pepin**

Info CEIVAR

Citation:

Faltam 30 dias para um novo juízo contra independentistas galegos na ‘Audiencia Nacional’
02/09/2009
'Audiencia Nacional' de Espanha: o tribunal de excepçom onde serám processados Gorgas e Vigo.

O próximo dia 2 de Outubro, sexta-feira, serám julgados na capital de Espanha os militantes independentistas galegos José Manuel Sanches Gorgas e Santiago Vigo Domingues. A Fiscalia espanhola solicita para ambos duas penas de 8 anos de prisom por um suposto delito de “depósito de explosivos” que, presuntamente, estariam destinados para a sua colocaçom numha agência imobiliária da comarca do Barbança. Desde Dezembro de 2007, Vigo e Gorgas estám presos em regime de “prisom preventiva” e fôrom dispersados a distintos centros penitenciários.

A celebraçom do processo judicial em Madrid inicia umha nova fase dentro do tratamento repressivo de que som objecto ambos patriotas galegos, umha vez que pode supor a imposiçom dumha condena em firme e a prolongaçom da estáncia em prisom durante um período que poderia alcançar os 8 anos. À vista destes factos, o organismo popular anti-repressivo está a por em andamento umha intensa campanha nacional de informaçom e denúncia da farsa judicial a celebrar em Madrid que rematará com umha concentraçom ante a ‘Audiencia Nacional’ no dia do juízo contra Vigo e Gorgas.

Campanha

A iniciativa de Ceivar procurará em primeiro lugar contrarrestar a invisibilizaçom social do presente processo repressivo e a satanizaçom mediática dos militantes que serám processados no tribunal especial. Aliás, chamará ao compromisso de distintos sectores sociais e políticos para exercer umha solidariedade activa com os independentistas represaliados. A resposta a estes novos juízos na ‘Audiencia Nacional’ concluirá com umha mobilizaçom de solidári@s a Madrid num autocarro que partirá na noite de 1 de Outubro desde a capital galega.

O organismo convocará nos próximos dias diversas assembleias comarcais em distintos pontos do País para fazer efectiva esta resposta anti-repressiva. O calendário destas assembleias comarcais aparecerá em breve nesta página web e a elas estám convidadas todas aquelas galegas e galegos interessados em participar desta iniciativa colectiva contra a repressom.

LIBERDADE PATRIOTAS GALEGOS!
DEFENDER A TERRA NOM É DELITO!

Mais informaçom: http://www.ceivar.org

_________________
Santi e Xose Liberdade !