Le car pour Madrid partira de Compostela

**Pepin**

Citation:

O autocarro que irá a Madrid para solidarizar-se com os independentistas julgados na ‘Audiencia Nacional’ sairá de Compostela
23/09/2009

O autocarro que se deslocará a Madrid para exprimir a solidariedade galega com os dous independentistas julgados na ‘Audiencia Nacional’ partirá de Compostela por volta das 23:00 h. do dia 1 de Outubro. O veículo terá umha única paragem antes de saír do País às 00:30 h. do dia 2 na estaçom de autocarros de Ourense, para dirigir-se a continuaçom à capital de Espanha à que aguardamos chegar com as primeiras luzes do dia.

Aquelas pessoas que desejem participar nesta mobilizaçom anti-repressiva devem reservar a sua vaga com antelaçom, ou bem contactando com a militáncia de Ceivar nas localidades, ou bem ligando para alguns dos telefones de contacto da campanha que publicamos recentemente neste portal. O preço do bilhete de ida e volta é de 10€ e vende-se nos centros sociais do País e por parte d@s militantes e voluntári@s que participam na Campanha Nacional de Solidariedade com ambos represaliados políticos.

O regresso para a Galiza produzirá-se umha vez rematado o julgamento de Santiago Vigo e José Manuel Sanches, calculando-se que estaremos de volta na madrugada do dia 3, sempre em funçom da duraçom da vista no tribunal de excepçom espanhol.

Animamos desde estas linhas a fazer um esforço colectivo e de solidariedade contra a repressom participando nesta nova mobilizaçom até as portas da ‘Audiencia Nacional’.

NOM SOM “TERRORISTAS”, SOM INDEPENDENTISTAS!
LIBERDADE PATRIOTAS GALEGOS!
2-O TOD@S A MADRID!

_________________
Santi e Xose Liberdade !