Inclui áudio da palestra de Carlos Varela Aenlle,presidente de Abertal na agrupaçom cultural O Facho

http://www.pglingua.org/index.php?option=com_content&view=article&id=747:albertal-denuncia-manipulacom-do-galego-das-asturias&catid=2:informante&Itemid=74
Segunda, 30 Março 2009 09:25


PGL - A Asociación Cultural ABERTAL do Eu-Návia, presidida polo académico da RAG Carlos Varela, acaba de manifestar, através de comunicado de imprensa, o seu rejeitamento às continuas manifestações de um meio jornalístico asturiano e da associaçom Xeira, «por quererem manipular e tergiversar a situaçom lingüística do galego das Astúrias no Eu-Návia, pretendendo fazê-lo desaparecer».

De Abertal dizem que continuarám a promover o galego das Astúrias, a sua proteçom e a sua cooficialidade e dentro da busca de um convénio entre as comunidades das Astúrias e Galiza. Por outra, acrescentam, estarám atentos à política lingüística de Alberto Núñez Feijóo e pedirám-lhe os mesmos apoios que realizou Manuel Fraga no seu momento.

De Abertal rejeitam as acusaçons da associaçom Xeira, «verdadeiro monicreque da ALLA, de 'expansión e imposiçom' já que queiram ou nom o galego é uma língua das Astúrias e assim o reconhece toda a lingüística e nom uma pessoa que, com a sua desfaçatez se declara mesmo representante do pensar dos habitantes da Marinha».

Por último, de Abertal criticam e rejeitam que nas aulas de galego das Astúrias «só seja impartida a literatura e as ideias políticas de Xeira e sejam cometidas abundantes aberrações nas unidades didáticas de natureza e geografia», o que, anunciam, denunciarám ante as autoridades asturianas correspondentes.

A persecuçom da língua e cultura galegas nas terras do Eu-Návia

Falando da situaçom do galego no Eu-Návia, a agrupaçom corunhesa O Facho acaba de colocar na rede o áudio da conferência pronunciada no passado dia 25 de Março por Carlos Varela Aenlle, no contexto do ciclo Língua, Literatura e Naçom.

Que son as ideas políticas de Xeira?